‘തലൈവ’ തമിഴ്നാട്ടില് എത്താന് വൈകുന്നു , ‘ദളപതി’ തലൈവിക്കിതിരെ
By smug - Saturday, 17 August 2013
ഇളയ ദളപതി വിജയ് നായകനായ തലൈവയെ പ്രതീക്ഷയോടെയാണ് ആരാധകര് കാത്തിരുന്നത്. എന്നാല്, തമിഴ്നാട്ടില് പ്രദര്ശനാഌമതി നിഷേധിക്കപ്പെട്ടതോടെ വിജയും ആരാധകരും നിരാശരായി. സിനിമയുടെ റിലീസ് വൈകുന്നതിനെതിരെ വിജയ് സ്വയം സമരംഗത്തേയ്ക്കിറങ്ങുകയാണ്. സര്ക്കാരിനെതിരെ നിരാഹാരത്തിന് സൂപ്പര്ത്താരം തയ്യാറെടുക്കുമ്പോള് ആരാധക രോക്ഷത്തെ ആശങ്കയോടെയാണ് സര്ക്കാര് കാണുന്നത്. താരത്തിനൊപ്പം ചിത്രത്തിന്റെ അണിയറ പ്രവര്ത്തകരും നിരാഹാര സമരത്തിഌണ്ട്. സമരം ചെയ്യുന്നതിനായി ചെന്നൈ പോലീസ് കമ്മീഷണറുടെ അഌമതി താരം സമ്പാദിച്ചു കഴിഞ്ഞു.
ചിത്രത്തിന്റെ റിലീസ് താമസിക്കുന്നതിനെതിരേ നേരത്തേ താരങ്ങളായ ധഌഷും ചിലമ്പരശഌമെല്ലാം രംഗത്ത് വന്നിരുന്നു. അനേകം സംവിധായകരും ഇതിനകം പ്രതിഷേധം രേഖപ്പെടുത്തിയിരുന്നു. ബോംബ് ഭീഷണിയെ തുടര്ന്ന് റിലീസ് ദിവസം സംരക്ഷണം നല്കണമെന്ന് ചെന്നൈയിലെ തീയറ്റര് ഉടമകള് ആവശ്യപ്പെട്ടിരുന്നു. അതിന് പിന്നാലെ നികുതിയുമായി ബന്ധപ്പെട്ടും പിന്നീട് സിനിമയിലെ നായക കഥാപാത്രവുമായി ബന്ധപ്പെട്ടും സിനിമ വിവാദത്തിലായി. പലവിധ പ്രശ്നങ്ങളുമായി ബന്ധപ്പെട്ട് കോടതിയില് എത്തിയതോടെ സിനിമയുടെ തമിഴ്നാട്ടിലെ റിലീസ് അനിശ്ചിതമായി നീണ്ടുപോവുകയായിരുന്നു. സര്ക്കാരും കൈയൊഴിഞ്ഞതോടെയാണ് വിജയ് സമരമുഖത്തേയ്ക്ക് ഇറങ്ങിത്തിരിച്ചിരിക്കുന്നത്.
Follow our blog on Twitter, become a fan on Facebook. Stay updated via RSS