ടോം ജോസഫിന് ഇത്തവണയും അര്‍ജുനയില്ല
By smug - Thursday, 22 August 2013
ഒന്നരപ്പതിറ്റാണ്ടായി ദേശീയ വോളി ടീമിലെ നെടുന്തൂണായ ടോമിനെ അവാര്‍ഡ് പട്ടികയില്‍ നിന്ന് ഒഴിവാക്കിയതിനെതിരെ വ്യാപക പ്രതിഷേധമുയര്‍ന്നിരുന്നു. തുടര്‍ന്ന് മുഖ്യമന്ത്രി ഉമ്മന്‍ ചാണ്ടി, പ്രതിപക്ഷ നേതാവ് വി.എസ്. അച്യുതാനന്ദന്‍, കേരളത്തില്‍നിന്നുള്ള കേന്ദ്രമന്ത്രിമാര്‍, കെ.പി.സി.സി പ്രസിഡന്‍റ് രമേശ് ചെന്നിത്തല തുടങ്ങിയവര്‍ പ്രശ്നത്തില്‍ ഇടപെട്ടിരുന്നു. തീരുമാനം പുന$പരിശോധിക്കുമെന്ന് കായിക മന്ത്രി ജിതേന്ദ്ര സിങ് സൂചിപ്പിച്ചിരുന്നെങ്കിലും ഫലമുണ്ടായില്ല.
ടോമടക്കം 16 പേരെയായിരുന്നു അര്‍ജുന അവാര്‍ഡിന് പരിഗണിച്ചിരുന്നത്. ഒടുവില്‍ ടോമിനെ മാത്രം പട്ടികയില്‍നിന്ന് വെട്ടിയതാണ് വിവാദമായത്. മലയാളിയായ സായ് ഡയറക്ടര്‍ ജനറല്‍ ജിജി തോംസണ്‍ അടക്കമുള്ളവരുടെ പ്രതിഷേധവും വെറുതെയായി.
ഡിസ്കസ് താരം കൃഷ്ണ പുനിയയും പാരാലിമ്പിക്സില്‍ മെഡല്‍ നേടിയ എച്ച്.എന്‍. ഗിരിഷയും രാജീവ്ഗാന്ധി ഖേല്‍രത്ന അവാര്‍ഡിന് അവകാശവാദമുന്നയിച്ചിരുന്നെങ്കിലും ഫലം നിരാശ തന്നെ. ഷൂട്ടിങ് താരം രഞ്ജന്‍ സോധിക്ക് തന്നെയാണ് ഖേല്‍രത്ന. ഖേല്‍രത്ന അവാര്‍ഡ് തുക ഏഴ് ലക്ഷവും അര്‍ജുന അവാര്‍ഡ് തുക അഞ്ച് ലക്ഷവുമായി ഉയര്‍ത്തി. ഈ മാസം 31നാണ് അവാര്‍ഡുകള്‍ വിതരണം ചെയ്യുക.
തുടര്‍ച്ചയായി ഒമ്പതാം തവണയും തഴയപ്പെട്ടതില്‍ അതീവ ദു$ഖമുണ്ടെന്നും ഇനി അര്‍ജുന അവാര്‍ഡിന് അപേക്ഷക്കില്ളെന്നും ടോം ജോസഫ് ‘മാധ്യമ’ത്തോട് പറഞ്ഞു.
Follow our blog on Twitter, become a fan on Facebook. Stay updated via RSS