ആഭ്യന്തരമന്ത്രി കഴിവു കെട്ടവന്‍ ; ചീഫ് വിപ്പ് ചീഫ് വിഴുപ്പ്: ടി. എച്ച് മുസ്തഫ

കേരളത്തില്‍ സോളാര്‍ പുകിലിനെല്ലാം ഉത്തരവാദി തിരുവഞ്ചൂര്‍ രാധാകൃഷ്ണനാണെന്ന് കോണ്‍ഗ്രസ് നേതാവ് ടി.എച്ച്. മുസ്തഫ. അയാള്‍ ആ സ്ഥാനം ഒഴിയണം. കഴിവുകേടിന്റെ പര്യായമാണ് തിരുവഞ്ചൂര്‍. കേരളം കണ്ട ഏറ്റവും കഴിവുകെട്ട ആഭ്യന്തരമന്ത്രിയും തിരുവഞ്ചൂര്‍ രാധാകൃഷ്ണനാണ്. സെക്രട്ടേറിയറ്റ് ഉപരോധം കഴിഞ്ഞ് വീട്ടില്‍പോയ പിണറായിയെ ഫോണില്‍ വിളിച്ച് പുതിയ കുഴപ്പം ഉണ്ടാക്കിയിരിക്കുകയാണെന്ന് മുസ്തഫ ആരോപിച്ചു.

സര്‍ക്കാര്‍ ചീഫ് വിപ്പ് ചീഫ് വിഴുപ്പാണെന്ന് മുസ്തഫ ആരോപിച്ചു. ജോര്‍ജ്ജെന്ന മദയാനയെ മാണിസാര്‍ പിടിച്ചു കെട്ടിയില്ലെങ്കില്‍ കോണ്‍ഗ്രസുകാരും യൂത്ത് കോണ്‍ഗ്രസുകാരും ചേര്‍ന്ന് മയക്കുവെടി വെച്ച് തളയ്ക്കുമെന്നും മുസ്തഫ പറഞ്ഞു. സര്‍ക്കാരിനെ വിശ്വാസമില്ലെങ്കില്‍ ജോര്‍ജ്ജ് രാജിവച്ചു പുറത്തുപോകണമെന്ന് മുസ്തഫ പറഞ്ഞു.