ഫേസ്ബുക്ക്‌ നമ്മളെ വിഷാദരോഗികള്‍ ആക്കുന്നുവോ ഇതൊന്നു വായിക്കു
By smug - Thursday, 15 August 2013
ഫെയ്‌സ്ബുക്ക് ഉപയോഗത്തിലൂടെ ആളുകള്‍ക്ക് വിഷാദ രോഗത്തിന് സാധ്യത കൂടുതലെന്ന് പഠനം. മിച്ചിഗന്‍ യൂണിവേഴ്‌സിറ്റിയില്‍ നടത്തിയ പഠനത്തിലാണ് ഇത് കണ്ടെത്തിയത്.
സോഷ്യല്‍ നെറ്റ് വര്‍ക്കിങ്ങ് സൈറ്റുകളുടെ ഉപയോഗം ആദ്യം സന്തോഷവും സംതൃപ്തിയും നല്‍കും. എന്നാല്‍ പിന്നീട് ഉപയോഗിക്കുന്ന ആളുടെ സന്തോഷത്തെയും സംതൃപ്തിയേയും സ്വാധീനിക്കുന്നതില്‍ ഇത്തരം സൈറ്റുകള്‍ക്കുള്ള പങ്ക് കൂടുതലാണെന്ന് പഠനം വ്യക്തമാക്കുന്നു.
ഫെയ്‌സ് ബുക്കിന്റെ ആദ്യ ഉപയോഗത്തില്‍ മനുഷ്യന് ആവശ്യമായ എല്ലാ വിധത്തിലുമുള്ള സാമൂഹിക ബന്ധങ്ങള്‍ വളര്‍ത്താനും നില നിര്‍ത്താനും ഫെയ്‌സ്ബുക്ക് സഹായിക്കും. എന്നാല്‍ കുറച്ച് കാലങ്ങള്‍ക്ക് ശേഷം ഇതില്‍ നേര്‍ വിപരീഥമായ ഫലങ്ങളാണ് ഉണ്ടാവുകയെന്ന് പഠനത്തിന് നേതൃത്വം നല്‍കിയ ഏഥന്‍ ക്രോസ് വ്യക്തമാക്കി.
എണ്‍പത്തി രണ്ടോളം യുവാക്കളിലാണ് പഠനം നടത്തിയത്. സ്മാര്‍ട്ട് ഫോണുകളിലുള്‍പ്പെടെ നിരന്തരം ഫെയ്‌സ്ബുക്കുകള്‍ ഉപയോഗിക്കുന്നവരായിരുന്നു ഇവര്‍. . . തെരെഞ്ഞെടുക്കപ്പെട്ടവരില്‍ രണ്ടാഴ്ചയാണ് പഠനം നടത്തിയത്.
അഞ്ച് ചോദ്യങ്ങള്‍ ഓണ്‍ലൈന്‍ വഴി നല്‍കുകയും ഇതിലൂടെ ആളുകളുടെ ഫെയ്‌സ് ബുക്ക് ഉപയോഗവും ജീവിതവും മനസിലാക്കുകയുമാണ് പഠനം നടത്തിയത്. അവരുടെ ജീവിതചര്യകളെ അടിസ്ഥാനമാക്കിയുള്ള അഞ്ച് ചോദ്യങ്ങളില്‍ ഓരോന്നും ഓണ്‍ലൈന്‍ സര്‍വ്വെയുമായി ബന്ധപ്പെട്ടിരിന്നു.
പഠനത്തിന്റെ അവസാനം ഫെയ്‌സ് ബുക്ക് ഉപയോഗത്തിലൂടെ പരസ്പര ആശയ വിനിമയങ്ങള്‍ കുറയുന്നതായും പിന്നീട് ക്രമേണ വിഷാദത്തിലേയ്ക്ക് നീങ്ങുന്നതായും കണ്ടെത്തി
Follow our blog on Twitter, become a fan on Facebook. Stay updated via RSS