വിന്‍ഡീസ് പകരം വീട്ടി, ഇന്ത്യന്‍ എ യ്ക്ക് 55 റണ്‍സ് തോല്‍വി, ഇനി മറ്റന്നാള്‍ കാണാം
By smug - Tuesday, 17 September 2013
വിന്‍ഡീസ് പകരം വീട്ടി. വെസ്റ്റ് ഇന്‍ഡീസ് ‘എ യ്‌ക്കെതിരായ ഏകദിന ക്രിക്കറ്റ് പരമ്പരയിലെ രണ്ടാം മല്‍സരത്തില്‍ ഇന്ത്യ ‘എ ടീമിന് 55 റണ്‍സിന്റെ തോല്‍വി. 280 റണ്‍സ് വിജയലക്ഷ്യവുമായി ഇറങ്ങിയ ഇന്ത്യ എ ടീം 224 റണ്‍സിന് പുറത്തായി. മൂന്നു മല്‍സരങ്ങളുടെ പരമ്പരയിലെ ആദ്യ മല്‍സരം ഇന്ത്യ എ ടീം വിജയിച്ചിരുന്നു. മൂന്നാം മല്‍സരം വ്യാഴാഴ്ച നടക്കും.
40 റണ്‍സെടുത്ത യുവരാജ് സിങ്ങാണ് ടോപ് സ്‌കോറര്‍ . വിന്‍ഡീസിനായി കമ്മിന്‍സ് നാലു വിക്കറ്റ് വീഴ്ത്തി. ആദ്യം ബാറ്റ് ചെയ്ത വിന്‍ഡീസ് ജൊനാഥന്‍ കാര്‍ട്ടറുടെ സെഞ്ചുറിയുടെ മികവില്‍ ആറു വിക്കറ്റ് നഷ്ടത്തില്‍ 279 റണ്‍സെടുത്തു.
കാര്‍ട്ടര്‍ 133 റണ്‍സെടുത്തു. 39 റണ്‍സുമായി ലിയോണ്‍ ജോണ്‍സണും 36 റണ്‍സുമായി എഡ്വേര്‍ഡ്‌സും കാര്‍ട്ടറിനു പിന്തുണ നല്‍കി. ഇന്ത്യയ്ക്കായി വിനയ് കുമാര്‍ മൂന്നും യൂസഫ് പത്താന്‍ രണ്ടും വിക്കറ്റ് നേടി.
Follow our blog on Twitter, become a fan on Facebook. Stay updated via RSS