സ്വര്‍ണ്ണത്തിന്റെ ഇറക്കുമതി തീരുവ കൂട്ടി
By smug - Tuesday, 17 September 2013
സാമ്പത്തിക പ്രതിസന്ധി മറികടക്കാനുള്ള കടുത്ത നടപടികളുടെ ഭാഗമായി സ്വര്‍ണാഭരണങ്ങളുടെ ഇറക്കുമതി തീരുവ 15 ശതമാനമായി ഉയര്‍ത്തി. നിലവില്‍ 10 ശതമാനമായിരുന്നു. ഭവന, വാഹന വായ്പകള്‍ പുതുക്കുമ്പോള്‍ രണ്ടു ശതമാനം വരെ പലിശ ഇളവു ലഭിക്കുന്ന ഫണ്ടിങ് ഫോര്‍ ലെന്‍ഡിങ് പദ്ധതിയും റിസര്‍വ് ബാങ്ക് നടപ്പാക്കിയേക്കുമെന്നാണ് സൂചന.
സ്വര്‍ണത്തിന്റെ ഇറക്കുമതി തീരുവ വര്‍ധിപ്പിക്കുന്നമെന്ന ആഴ്ചകള്‍ നീണ്ട അഭ്യൂഹത്തിനാണ് ഇന്ന് വിരാമമായത്. സ്വര്‍ണാഭരണങ്ങള്‍ കൊണ്ടുവരുന്നതിന് 10 ശതമാനം ഉണ്ടായിരുന്ന ഇറക്കുമതി തീരുവയാണു 15 ആയി വര്‍ധിപ്പിച്ചത്. ഇറക്കുമതി കുറക്കുന്നതിനൊപ്പം വ്യാപാരക്കമ്മി കുറയ്ക്കുന്നതിനും നടപടി തുണയാകുമെന്നാണു പ്രതീക്ഷ.
ഭവന, വാഹന വായ്പകള്‍ പുതുക്കി എടുക്കുമ്പോള്‍ ഒരു ശതമാനം മുതല്‍ രണ്ടു ശതമാനം വരെ പലിശ കുറയാന്‍ സാധ്യതയുള്ള മറ്റൊരു പദ്ധതിയും റിസര്‍വ് ബാങ്ക് ഗവര്‍ണര്‍ രഘുറാം രാജന്റെ പരിഗണനയിലുണ്ട്. വാഹന, ഭവന വായ്പാ രംഗത്താണ് ഇത് അനുകൂല തരംഗം ഉണ്ടാക്കുക. ബാങ്കുകള്‍ക്ക് ഈ പദ്ധതിയില്‍ കുറഞ്ഞ നിരക്കില്‍ റിസര്‍വ് ബാങ്ക് ഫണ്ട് ലഭ്യമാക്കും.
Follow our blog on Twitter, become a fan on Facebook. Stay updated via RSS